नर्सिंग कॉलेज मध्ये डॉ. ए. पी. जे. अब्दुल कलाम यांची जयंती वाचन प्रेरणादिन म्हणून साजरी
कौन्सिल ऑफ एज्युकेशन च्या पार्वतीदेवी कुंभार कॉलेज ऑफ नर्सिंग, कोल्हापूर मध्ये १५ ऑक्टोबर २०२५ डॉ. ए. पी. जे. अब्दुल कलाम यांची जयंती साजरी करण्यात आली. हा दिवस ‘ वाचन प्रेरणा दिन ‘ म्हणून साजरा केला जातो. कॉलेजचे प्राचार्य बी. डी. कुलकर्णी सर यांनी प्रतिमेचे पूजन केले व डॉ. ए. पी. जे कलाम यांच्या बद्दल थोडक्यात पण महत्वपूर्ण माहिती दिली. त्यानंतर कॉलेजच्या ग्रंथालयामध्ये ग्रंथप्रदर्शन भरवण्यात आले होते. त्या दुर्मीळ ग्रंथाच्या वाचनाचा लाभ सर्व स्टाफ व विद्यार्थ्यांनी घेतला. या कार्यक्रमासाठी महाविद्यालयाचे प्राचार्य, तसेच शिक्षक व शिक्षकेत्तर कर्मचारी उपस्थित होते. उपस्थितांचे आभार ग्रंथपाल सौ. शुभांगी पाटील यांनी मानले.
जागतिक एड्स दिनानिमित्त नर्सिंग विद्यार्थ्यांची जनजागृती मोहीम
कौन्सिल ऑफ एज्युकेशन च्या पार्वतीदेवी कुंभार कॉलेज ऑफ नर्सिंग, कोल्हापूर मध्ये १ डिसेंबर २०२५ रोजी जागतिक एड्स दिनानिमित्त जागरूकता कार्यक्रम आयोजित करण्यात आला. या कार्यक्रमाचा उद्देश विद्यार्थ्यांना एच.आय.व्ही./एड्सबाबत योग्य माहिती, प्रतिबंधक उपाय आणि समाजातील गैरसमज दूर करणे हा होता. कार्यक्रमाची सुरुवात कौन्सिल ऑफ एज्युकेशन चे सचिव डॉ. विश्वनाथ मगदूम यांच्या मार्गदर्शनपर भाषणाने झाली. त्यांनी एड्सविषयी असलेले गैरसमज, युवकांची जबाबदारी आणि सुरक्षित जीवनशैली याविषयी महत्त्वपूर्ण मुद्दे मांडले.विद्यार्थ्यांनी, घोषवाक्ये आणि माहितीपर उपक्रमाद्वारे जनजागृतीचा संदेश दिला.
नर्सिंग कॉलेजमध्ये ज्ञानज्योती सावित्रीबाई फुले जयंती साजरी
ज्ञानज्योती सावित्रीबाई फुले यांच्या जयंतीनिमित्त कौन्सिल ऑफ एज्युकेशन च्या पार्वतीदेवी कुंभार कॉलेज ऑफ नर्सिंग, कोल्हापूर मध्ये ३ जानेवारी २०२६ रोजी जयंती साजरी करण्यात आली. कार्यक्रमाच्या सुरुवातीस सावित्रीबाई फुले यांच्या प्रतिमेस पुष्पहार अर्पण करून अभिवादन करण्यात आले. यावेळी महाविद्यालयाचे प्राचार्य बी. डी. कुलकर्णी सर यांनी सावित्रीबाई फुले यांच्या शैक्षणिक कार्यावर प्रकाश टाकत मार्गदर्शन केले. सावित्रीबाई फुले यांनी स्त्री शिक्षणासाठी केलेले कार्य आजही समाजासाठी प्रेरणादायी असल्याचे त्यांनी सांगितले. कार्यक्रमामध्ये शिक्षक, शिक्षकेतर कर्मचारी उपस्थित होते.
पार्वतीदेवी कुंभार कॉलेज ऑफ नर्सिंगमधील HPV लसीकरण मोहीम
दिनांक २१ जानेवारी २०२६ रोजी कौन्सिल ऑफ एज्युकेशन च्या पार्वतीदेवी कुंभार कॉलेज ऑफ नर्सिंग, कोल्हापूर येथे विद्यार्थिनींसाठी HPV लसीकरण मोहिमेचे यशस्वी आयोजन करण्यात आले. या उपक्रमाचा उद्देश ह्यूमन पॅपिलोमा व्हायरस (HPV) संसर्ग प्रतिबंधाबाबत जनजागृती करणे व महिलांच्या आरोग्य संवर्धनास प्रोत्साहन देणे हा होता. विद्यार्थिनींच्या सक्रिय सहभागामुळे ही लसीकरण मोहीम सुरळीतपणे पार पडली असून, प्रतिबंधात्मक आरोग्यसेवा व सार्वजनिक आरोग्याबाबत संस्थेची बांधिलकी यामधून अधोरेखित होते.
जागतिक कर्करोग दिनानिमित्त नर्सिंग विद्यार्थ्यांची जनजागृती रॅली; तज्ज्ञांकडून मार्गदर्शन
कौन्सिल ऑफ एज्युकेशन संचलित पार्वतीदेवी कुंभार कॉलेज ऑफ नर्सिंग, कोल्हापूर, मध्ये जागतिक कर्करोग दिन निमित्त कर्करोगाविषयी जनजागृती करण्यासाठी शहरातून भव्य रॅली काढण्यात आली. या रॅलीतून कर्करोग प्रतिबंध, वेळेवर निदान व उपचाराबाबत नागरिकांमध्ये जागृती करण्यात आली. या जनजागृती रॅलीत कौन्सिल ऑफ एज्युकेशनचे सचिव डॉ. विश्वनाथ मगदूम, महाविद्यालयाचे प्राचार्य भालचंद्र कुलकर्णी, चिदानंद पाटील, कॉमर्स कॉलेजचे उपप्राचार्य डॉ. रविकुमार नाईक, नाइट कॉलेजचे उपप्राचार्य डॉ. सुरेश फराकटे यांच्यासह प्राध्यापक, शिक्षक, शिक्षकेतर कर्मचारी व विद्यार्थ्यांनी मोठ्या संख्येने सहभाग घेतला. कोल्हापूर शहरातील प्रमुख मार्गावरून ही रॅली काढण्यात आली. फलक, घोषवाक्ये आणि संदेशांच्या माध्यमातून कर्करोगाविषयी जनजागरण करण्यात आले. रॅलीनंतर आयोजित मार्गदर्शन कार्यक्रमात CuraLife Cancer Centre, Kolhapur येथील कर्करोगतज्ज्ञ डॉ. अक्षय शिवछंद यांनी कर्करोग होऊ नये यासाठी घ्यावयाची काळजी, जीवनशैलीतील बदल, वेळेवर तपासणीचे महत्त्व तसेच कर्करोग झाल्यास घाबरून न जाता उपलब्ध वैद्यकीय उपचारपद्धतींबाबत सविस्तर माहिती दिली.
मराठी भाषा गौरव दिन विशेष उपक्रम
मराठी भाषा गौरव दिनानिमित्त कॉन्सिल ऑफ एज्युकेशन संचलित पार्वतीदेवी कुंभार कॉलेज ऑफ नर्सिंग येथे ग्रंथपाल सौ. शुभांगी पाटील यांच्या मार्गदर्शनाखाली मराठी पुस्तक प्रदर्शनाचे आयोजन करण्यात आले. या प्रदर्शनात विविध विषयांवरील मराठी पुस्तके विद्यार्थी, शिक्षक व शिक्षकेतर कर्मचाऱ्यांसाठी उपलब्ध करून देण्यात आली. यासोबत मराठी भाषेवर आधारित विविध खेळांचे आयोजन करण्यात आले. हे खेळ महाविद्यालयाचे प्रशासकीय अधिकारी श्री. नितीन मिसाळ यांनी घेतले. यात इंग्रजी शब्दांचे मराठी अर्थ सांगणे, समानार्थी शब्द ओळखणे व प्रश्नोत्तर खेळांचा समावेश होता. या कार्यक्रमादरम्यान महाविद्यालयाचे प्राचार्य श्री. चिदानंद पाटील यांनी मराठी भाषेचे महत्त्व विद्यार्थ्यांना पटवून दिले. हा उपक्रम ज्ञानवर्धक व प्रेरणादायी ठरला.
आंतरराष्ट्रीय महिला दिन विशेष उपक्रम
कौन्सिल ऑफ एज्युकेशन संचलित पार्वतीदेवी कुंभार कॉलेज ऑफ नर्सिंग, कोल्हापूर येथे आंतरराष्ट्रीय महिला दिनानिमित्त महिलांसाठी मोफत आरोग्य तपासणी शिबिर व तज्ज्ञांचे मार्गदर्शन या विशेष कार्यक्रमाचे आयोजन करण्यात आले. कार्यक्रमाची सुरुवात हास्ययोग सत्राने झाली. योगा प्रशिक्षक प्रा. मनीषा शिंदे यांनी उपस्थितांना हास्ययोगाचे मार्गदर्शन केले. त्यानंतर महिलांसाठी मोफत आरोग्य तपासणी शिबिर आयोजित करण्यात आले. या शिबिरामध्ये रक्तदाब, हिमोग्लोबिन, रक्तातील साखर तसेच इतर आवश्यक आरोग्य तपासण्या करण्यात आल्या. यावेळी स्त्रीरोग तज्ज्ञ डॉ. निरुपमा सखदेव यांनी “महिलांचे आरोग्य समस्या आणि उपाययोजना” या विषयावर मार्गदर्शन केले. तसेच मानसोपचार तज्ज्ञ डॉ. कावेरी चौगुले यांनी “महिलांच्या मानसिक आरोग्याच्या समस्या आणि उपाययोजना” या विषयावर मार्गदर्शन केले. तसेच महाविद्यालयाचे प्राचार्य श्री. चिदानंद पाटील व प्रा. भालचंद्र कुलकर्णी यांनी सर्व महिला कर्मचाऱ्यांना गुलाब फुल देऊन महिला दिनाच्या शुभेच्छा दिल्या.
जागतिक किडनी दिनानिमित्त जनजागृती कार्यक्रम
कौन्सिल ऑफ एज्युकेशन च्या पार्वतीदेवी कुंभार कॉलेज ऑफ नर्सिंग, कोल्हापूर येथे जागतिक किडनी दिनानिमित्त जनजागृती कार्यक्रम आयोजित करण्यात आला. कार्यक्रमाची सुरुवात सकाळी ८ वाजता कॉलेजच्या प्रवेशद्वारापासून काढण्यात आलेल्या रॅलीने झाली. ही रॅली बिंदू चौक येथे पोहोचल्यावर बी.एस्सी. नर्सिंगच्या विद्यार्थ्यांनी किडनीचे महत्त्व समजावून सांगणारे पथनाट्य सादर केले. त्यानंतर रॅली दसरा चौक मार्गे पुन्हा कॉलेजमध्ये परत आली. रॅलीनंतर कौन्सिल ऑफ एज्युकेशन चे सचिव डॉ. विश्वनाथ मगदूम यांनी किडनीचे आजार व त्यावरील उपाय याबाबत मार्गदर्शन केले. या कार्यक्रमाला पार्वतीदेवी कुंभार कॉलेज ऑफ नर्सिंग चे प्राचार्य चिदानंद पाटील व प्राध्यापक भालचंद्र कुलकर्णी तसेच डी.आर.के. कॉलेज ऑफ कॉमर्स च्या प्राचार्या तसेच शिक्षक व शिक्षकेत्तर कर्मचारी आणि विद्यार्थ्यांची उपस्थिती होती.
कर्मचारी विकास कार्यक्रम
